11. nóvember 2021
Vegna mikilla fjölgunar kórónuveirusmita í þjóðfélaginu þurfum við nú að herða sóttvarnir hér á Heilsustofnun. Nýir dvalargestir þurfa að sýna neikvætt COVID-próf við komu (innan við sólarhringsgamalt, hraðpróf eða PCR-próf, ekki sjálfspróf).
Við biðjum alla að fara sérlega varlega og ekki koma inn á stofnunina ef þeir eru með einhver flensulík einkenni, hita, slappleika eða hósta. Væntanlegir dvalargestir þurfa að vera fullbólusettir. Allir starfsmenn hér eru fullbólusettir.
Allir þurfa hér að gæta sérstaklega vel að einstaklingsbundnum sóttvörnum, góðum handþvotti, sprittun og 1-2 metra fjarlægð. Vel er hugað að sótthreinsandi þrifum á stofnuninni, sérstaklega hvað verðar almenna snertifleti.
Sprittstandar og -brúsar eru víða um húsið.
Allir þurfa að spritta hendur áður en farið er í matsal og tækjasal og einnig á eftir. Einnig er mikilvægt að spritta hendur fyrir og eftir spil og dagblaðalestur og gæta sín á öðrum sameiginlegum snertiflötum, t.d. hurðarhúnum.
Við biðjum dvalargesti um að halda kyrru fyrir á stofnuninni og láta hjúkrunarvakt vita ef um nauðsynlegar ferðir er að ræða. Heimsóknir eru aðeins leyfðar í undantekningartilfellum og þá í samráði við hjúkrunarvakt.
Heilsustofnun er að mestu lokuð almenningi. Eingöngu dvalargestir og íbúar í þjónustuíbúðum okkar við Lækjarbrún hafa aðgang að matsal. Aðgang að sundlaug hafa eingöngu dvalargestir, íbúar í Lækjarbrún, starfsmenn og makar þeirra.
Dvalargestir þurfa að láta hjúkrunarvakt strax vita ef þeir veikjast, finna fyrir flensulíkum einkennum eða slappleika. Viðkomandi fer þá strax í hraðpróf hjá okkur og einnig í einkennasýnatöku, PCR-próf ef ástæða er til. Dvalargestir með önnur smitandi veikindi, svo sem hita eða hósta, mega ekki taka þátt í neinum tímum eða meðferðum meðan veikindin vara. Þeim stendur til boða að fara heim og fresta dvöl.
Grímuskylda er hjá öllum á Heilsustofnun frá og með 11. nóvember. Við biðjum ykkur um að reyna að halda fjarlægð í matsal og staldra ekki lengur við þar en nauðsynlegt er. Grímuskylda er ekki utanhúss né í hreyfitímum en þá skal reyna að hafa sem mesta fjarlægð milli fólks.
29. október 2021
Vegna kórónuveirufaraldursins þurfum við áfram að viðhafa strangar sóttvarnir hér á Heilsustofnun. Full endurhæfingarstarfsemi er hinsvegar hér í gangi. Við biðjum alla, starfsfólk, dvalargesti og aðra gesti að fara sérlega varlega í allri umgengni og ekki koma inn á stofnunina ef þeir eru með einhver flensulík einkenni, hita, slappleika eða hósta.
Væntanlegir dvalargestir þurfa að vera fullbólusettir áður en þeir koma í dvöl. Allir starfsmenn okkar eru fullbólusettir.
Allir þurfa að gæta sérstaklega vel að einstaklingsbundnum sóttvörnum, spritta hendur áður og eftir að farið er í matsal, tækjasal og eftir t.a.m. dagblaðalestur. Sprittstandar og –brúsar eru víða um húsið og vel er hugað að sótthreinsandi þrifum. Við heilsumst áfram með brosi en ekki handabandi.
Við biðjum dvalargesti um að halda kyrru fyrir á stofnuninni eins og kostur er. Ennþá viljum við halda heimsóknum til dvalargesta í lágmarki og einungis fullbólusettir fá aðgang.
Dvalargestir þurfa að láta hjúkrunarvakt strax vita ef þeir veikjast eða finna fyrir flensulíkum einkennum. Ef minnsti grunur er um COVID-19 fer viðkomandi í skyndipróf hjá okkur og einnig í einkennasýnatöku/PCR próf ef ástæða er til. Dvalargestir með önnur smitandi veikindi, svo sem hita eða hósta, mega ekki taka þátt í neinum tímum eða meðferðum meðan á veikindum stendur. Þeim stendur til boða að fara heim og fresta dvöl.
Allir sem hafa einhver öndunarfæraeinkenni eins og hósta af hvaða orsökum sem er þurfa að bera grímur. Einnig fólk með alvarlega undirliggjandi sjúkdóma. Grímuskylda er þar sem ekki er hægt að virða 1 metra fjarlægðarmörk.
15. september 2021
Staðan er óbreytt á Heilustofnun og engin smit hafa verið greind frá því að upp kom smit hjá tveimur einstaklingum þann 8. september sl. Nú er verið að létta á grímuskyldu en enn er Heilsustofnun að mestu lokuð almenningi.
8. september 2021
Heilustofnun er í dag að mestu lokuð almenningi. Full endurhæfingarstarfsemi er hinsvegar hér í gangi. Við biðjum alla, starfsfólk, dvalargesti og aðra gesti að fara sérlega varlega í allri umgengni og ekki koma inn á stofnunina ef þeir eru með einhver flensulík einkenni, hita, slappleika eða hósta.
Væntanlegir dvalargestir þurfa að vera fullbólusettir áður en þeir koma í dvöl. Allir starfsmenn okkar eru bólusettir.
Grímuskylda er nú í húsinu. Allir þurfa að gæta sérstaklega vel að einstaklingsbundnum sóttvörnum. Sprittstandar og –brúsar eru víða um húsið og vel er hugað að sótthreinsandi þrifum.
Við biðjum dvalargesti um að halda kyrru fyrir á stofnuninni eins og kostur er. Heimsóknir eru einungis leyfðar í sérstökum tilfellum. Matsalur er lokaður fyrir utanaðkomandi gesti.
Dvalargestir þurfa að láta hjúkrunarvaktina hjá okkur strax vita ef þeir veikjast. Ef minnsti grunur er um Covid-19 fer viðkomandi í sýnatöku og er í sóttkví þangað til svar berst. Dvalargestir með önnur smitandi veikindi, svo sem hita eða hósta, mega ekki taka þátt í neinum tímum eða meðferðum meðan á veikindum stendur. Þeim stendur til boða að fara heim og fresta dvöl.
8. september 2021
Smit greindist á Heilsustofnun í Hveragerði
Smit greindist í gær (7.sept) hjá tveimur starfsmönnum á Heilsustofnun í Hveragerði. Viðeigandi ráðstafanir hafa verið gerðar og endurhæfingarstarf heldur áfram. Átta skjólstæðingar og fimm starfsmenn eru komnir í sóttkví og er enginn af þeim með einkenni.
20. ágúst 2021
Starfsemi Heilsustofnunar er komin af stað aftur eftir tveggja daga meðferðahlé á meðan unnið var að smitrakningu. Það verkefni gekk vel og enduhæfingarstarf hófst aftur í gær, fimmtudaginn 19. ágúst. 52 eru nú í sóttkví vegna þess.
Tilkynning barst í morgun frá smitrakningateymi ríkislögreglustjóra um annað smit sem er óskylt hinu fyrra. Unnið er að smitrakningu en ekki er talin þörf á að gera hlé á starfseminni. Um er að ræða einstakling sem kom til dvalar sl. mánudag en fór af staðnum daginn eftir. Þrír starfsmenn hafa verið sendir í sóttkví vegna þess.
Ef óskað er eftir nánari upplýsingum:
Þórir Haraldsson forstjóri Heilsustofnunar s.664-1890 (og í Cc-mail)
Eldri tilkynning
19. ágúst 2021
Eftir tveggja daga meðferðarhlé er endurhæfingarstarfsemi komin aftur í gang.
Heilsustofnun er að mestu lokuð almenningi vegna kórónuveirufaraldursins. Við biðjum alla, starfsfólk, dvalargesti og aðra gesti að fara sérlega varlega í allri umgengni og ekki koma inn á stofnunina ef þeir eru með einhver flensulík einkenni, hita, slappleika eða hósta.
Allir starfsmenn okkar eru fullbólusettir. Allir dvalargestir þurfa að vera fullbólusettir fyrir komu og við biðlum til dvalargesta að fá ekki heimsóknir og fara sem minnst út af stofnuninni.
Allir þurfa hér að gæta sérstaklega vel að einstaklingsbundnum sóttvörnum, góðum handþvotti, sprittun og 1 metra fjarlægð. Vel er hugað að sótthreinsandi þrifum á stofnuninni og sérstaklega hvað varðar almenna snertifleti. Sprittstandar og -brúsar eru víða um húsið.
Grímuskylda er þar sem ekki er hægt að virða 1 metra fjarlægðarmörk svo og hjá fólki með öndunarfæraeinkenni t.d. hósta af hvaða orsökum sem er. Fólk með alvarlega undirliggjandi sjúkdóma ætti að bera grímur.
Dvalargestir þurfa að láta hjúkrunarvakt strax vita ef þeir veikjast eða finna fyrir flensulíkum einkennum. Ef minnsti grunur er um COVID-19 fer viðkomandi í sýnatöku og er beðinn um að bíða svars heima ef kostur er. Dvalargestir með önnur smitandi veikindi, svo sem hita eða hósta, mega ekki taka þátt í neinum tímum eða meðferðum meðan á veikindum stendur. Þeim stendur til boða að fara heim og fresta dvöl.
Framkvæmdastjórn
Comments are closed.
